“Një mrekulli ndodhi, se mund të kishim shumë viktima”. Kështu shkruajnë mediat greke teksa kanë publikuar videon e aksidentit që iu mori jetën dy shqiptarëve dhe një grua është në gjendje të rëndë.
Aksidenti ndodhi në rrugën nacionale Kifisos, kur një kamion kaloi barrierat ndarëse të rrugës dhe doli në krahun tjetër, duke u përplasur me dy automjete. Për pasojë kanë humbur jetën shqiptarët Spiro Guri 60 vjeç dhe Dhimitër Pabuko 65 vjeç, ndërsa një tjetër 34-vjeçare shqiptare, Balerina Guri ka mbetur e plagosur.
VIDEO/ Kamioni merr përpara makinën, vdesin tragjikisht dy shqiptarët
Drejtuesi 64-vjeçar i kamionit është arrestuar ndërsa ka qenë nën ndikimin e alkoolit në momentin e aksidentit. Nga testi i alkoolit, ai rezultoi me 0.50 miligramë alkool në gjak, ndërkohë që limiti është 0.10.
